ТАТАРЛАР БЕЗ!..

Соңгы елларда и акырдылар, ии, кычкырдылар татар теле үлә - дип.. Телебезне кысалар, телебезне үтерәләр имеш! Кысмыйлар да,​ үтермиләр дә! Бары да үзебездән тора җәмәгать! Син татарча сөйләшсәң авызыңа йозак эләләрме дә, татарча язганда кулыңа богау тагалармы??? Кирәк чагында сүзең бүлсәләр, тәнкыйтли башласалар,​ вакытында җавап бирә белергә кирәк! Үз позицияңне яклый белергә кирәк! Татарларга бердәм булырга кирәк!!! Чөнки, кайчакларда татарлар белән танышсаң,​ кайдан кайсы яклардан икәнеңне белешкәч, китәәә фәлсәфәә. Әй, ул районда бит андыйлар яши, теге районда мондыйлар яши, ә бусы бөтенләй татар түгел бит инде - дип, бер - берсенең башын ашый башлыйлар. Халкым минем! Безне татарлар итеп Татарстан республикасы берләштергән икән,​ без барыбыз да -Татарлар!!! Диалектыбыз аерылса да - телебез бер!!!​ Бер - беребезне хөрмәт итеп,һәркем ата- бабасыннан калган тел байлыгын саклап, бер - беребезне рухи яктан баетып яшәргә тиешбез!!! Әле бит бездән кала төрле төбәкләрдә, төрле илләрдә бөтендөнья татарлары бар! Без аларга үрнәк булып яшәргә, туган якларга чакырып, аларның татар булып яшәүләренә горурланырлык көч бирергә тиешбез! Ничә гасырлар яшәгән Ана телебез,Туган телебез,Татар телебез мәңге яшәячәк!!! Татар үлмәс, Моңы сүнмәс. Горур татар, Алга атлар. Чукынмас ул, Төзен чүкмәс. Намаз укыр, Сүрәт үпмәс. Сынаулардан сыгылмас ул Телен сатып, бозылмас ул. Таркалмаса туган иле, Мәңге яшәр татар теле. ЗАЛИЯ НУРИӘХМӘТОВА