Көзгә керәбез..
Көзгә керәбез...Авылларда ындыр табаклары гөрләгән чаклар...Шул уңайдан зур классларда укыган вакытлар, кохозга булышкан чаклар искә тешеп күңелне чәнчеп куя!!! Көз көннәрендә, элек, авылда мәктәптә уку укумы иде инде ул...Иртән сумкаң күтәреп парта артына килеп кенә утырасың, класс җитәкчесе керә дә, йә чегендер кырына, йә бәрәңге кырына барабыз - дип кайтарып җибәрә иде..Ә кичләрен инде берәр җиңелерәк куртка эләсең дә "ток"ка китәсең.. Машиналар ашлык китерә, ә без агач керәкләр белән каршы алып ямкага сыпырабыз.. Ындыр табагы зират буенда...Югары оч кызлары ничек курыкмый йөргәннәрдер..Ә без түбән очлар юл аша чыгабыз да үз ягыбызга китәбез..Кайта башлагач төрле кызык хәлләр дә булгалый иде.. Бик арылса да яшьлек үзенекен ала , урам буйлап җырлар җырлап , уйнаша - көлешә авылның төнге урамнарын яңгыратып кайта идек..Тик шулай да бер көнне мине кызлар кызык иткәннәр бит..Икенче көнне, кичкә таба эшкә китәм - дип курткамны алсам, авырлыгына исем китте.. Эзләнә торгач таптым..курткамның чабулары тулы бодай! Кызлар кесәмне тишкәннәр дә бодай тутырганнар...Мин, арыган килеш, куртканы җилкәмә салып кайтканда авырлыгын сизмәгәнмен.. Бушата торгач бер чиләккә якын бодай чыкты.. Әти күрмәсен - дип шыпырт кына келәткә кертеп куйдым да киттем... Чөнки әти һәркөн : - Кызым, бер бөртектә алма , - диеп тукып җибәрә иде..Хатын-кыз өчен иң начары карак исеме күтәреп йөрү дия иде, мәрхүм...Кызларга да бер ни әйтмәдем. Үземнән көлдерәсе килми бит инде...Алар да сорамады, әллә онытканнар, әллә үзе ни әйтер - дип көткәннәрме... Иң кызык, иң бәхетле чаклар булган бит ул.. Хәзер йөртәләр микән укучыларны колхоз эшенә? Хәер, колхозлар да юк бугай инде..
36
0