Роберт Миңнуллин " Матурлык"

21 нче көн #әдәбимарафон2025 Матур күңеллеләр генә Матурлыкны аңлый. Матурлыктан туймый алар, Матурлыктан армый... Матурлыклар шифа бит ул, Матурлыклар - дару... Матурлыктан җан чистара, Бетә бөтен ару. Матурлыклар матурлата Безнең үзебезне: Уебызны, хисебезне, Әйтер сүзебезне... Матурлыклар дәвалый да, Яшәртә дә безне, Матурлыклар матур итеп Яшәтә дә безне... Яктырып китә дөньялар, Матурлык бер көлсә... Матурлыклар җитәрлек ул, Күңел күзең күрсә, Матурлыклар үзеңнең дә Күңелеңдә булса, Матурлыклар күңелеңнән Түгелергә торса... #ТатарстанЯзучыларБерлеге #РобертМиңнуллин #Матурлык #Дөньякүләмәдәбимарафон #ТатнетныҮстерүФонды #БелемРадиосы #ТатарстанКитапНәшрияты #НурлатМарафончылары #58нчетөркем

Тэглар: