21 нче көн. #әдәбимарафон. #әдәбимарафон2025
Җитәр инде, күп яшәдем”, – дисең, “Җиткән, – дисең, – вакыт китәргә...” “Кирәк, – дисең, – теге якка чыгып, Сират күперләрен үтәргә”... Күперләр ул бу якта да шактый. Бер як ярны ялгый башкага. Күпергә бер аяк баскан кеше “Чыгып калыйм!” – диеп ашкына... Тик уйламый монда калганнарны. Сагыныр кеше барын уйламый. Үз йөрәге ярсып типкән чакта Башкаларның хәлен аңламый... Бәрхет тавышың, дулкын чәчләреңне Бер күрергә диеп талпынган Якыннарың калыр бу як ярда. Аларга да хәсрәт кагылган... Бәгыреңне сыздырып ла үтәр, Тик кайтарып булмас үткәнең – Эштән кайтып, якты йөзең белән Ишек ачып, өйгә кергәнең... Тик кайтарып булмас! Җимерелер Аяк атлаганда ул күпер. Барысы калыр – калыр аргы якта – Шаулап узган газиз бер гомер... ...“Вакыт җиткән!” – дисең. Бәлки, җиткәндер дә, Аллаһ белә – аның кулында... Китәр булсаң ашыгып, артка кара – Кемнәр озатып калыр юлыңда?!. Кемнәр җырлар синең турында ла, Кемнәр елар киткән юлыңда.. #ТатарстанЯзучыларБерлеге #ХалисәШирмән #Дөньякүләмәдәбимарафон #ТатнетныҮстерүФонды #БелемРадиосы #ТатарстанКитапНәшрияты #Миллионтатар #НурлатМарафончылары #58нчетөркем
Сылтамалар:
95
0