Эльнара Зиннәтуллина "Язмышлардан узышлый"
21нче көн #әдәбимарафон2025 Авыр имтиханнар да, мәктәп еллары да артта калды. Күпмедер вакыттан соң яшьләр өйләнештеләр. Бик матур итеп туй ясадылар. Пар күгәрченнәрдәй гөрләшеп, бәхеткә күмелеп яшисе генә иде дә бит... Юк шул... Рәхимсез язмыш үзенекен итте. Туйдан соң ике ай вакыт үткәч, Җәмилә кабат хастаханәгә керде һәм бу юлы табиблар аны коткарып кала алмадылар. Авыр, бик авыр кичерде Заһир бу кайгыны. Шулай да сөйгәненә биргән сүзендә тора алды: медицина институтына укырга кереп белем алып, зур табиб булды. Күп кешеләрнең гомерен саклап калды. Вакыт-вакыт ул вәгъдәләшкән су буена төшеп, тулган айга карап, эчен бушата торган булып китте. Әйе, вакыт дәва, – диләр. Еллар үтү белән Заһирның да йөрәк яралары бераз төзәлә төште. Үзе кебек үк һөнәрне сайлаган кызга өйләнде һәм беренче кызы туу белән аңа Җәмилә дип исем кушты. Язмышлардан узмыш юк дигәндәй, тормыш шулай әкрен генә үз җаена ага бирде... #ТатарстанЯзучыларБерлеге #ЭльнараЗиннәтуллина #Язмышларданузышлый #Дөньякүләмәдәбимарафон #ТатнетныҮстерүФонды #БелемРадиосы #ТатарстанКитапНәшрияты #НурлатМарафончылары #58нчетөркем
435
0