Таһир Шәмсуаров "Күрше"
8 нче көн #әдәбимарафон2025 Күрше Таң белән күршеңә сәлам бир, Тугандай үз итеп күреш син. Эш күпкә сылтама, вакыт тап, Йөгереп кер аңа, йөреш син! Йомышың бар икән – тартынма, Бик теләп хәлеңә керәчәк. Күрше хакы – Тәңре хакы, дип, Соңгысын кызганмый бирәчәк. Йөзеңнән якты нур китмәсен, Туган көне бүген – котла син. Көненә кимендә өч тапкыр Атлап кер күршеңнең тупсасын. Шатлыгын җаныңа сеңдереп, Хәсрәтен урталай бүлеш син. Чын күрше беркайчан ташламый Терәлеп торган ут күршесен. Таң белән күршеңнең хәлен бел, Елмаеп, үз итеп дәшик без. Кошныкыннан кыска гомердә Тугандай йөрешеп яшик без.
528
0