5 нче көн. Мөхәммәт Мәһдиев. "Кеше китә - җыры кала"
Хәзрәт ике ут арасында калды. Кыз, чыннан да, кызганыч иде. Икенче яктан караганда җәелгән йомшак урын, Шәяхмәт тә төскә-биткә ярыйсы гына егет. Йә, нәрсә була инде киреләнмәсә? -Минем хакка гына,- диде хәзрәт, кызның кул аркасын сыйпап. Әйе, минем хакка гына. Әгәр син хәзер киреләнсәң мине харап итәсең. Никах укыган өчен мине указсыз калдыралар. Балаларым күп, үзем карт. Минем хакка гына... Бер дә булмаса, ике-өч атнадан аерылырсыз. Зинһар, дип әйтәм... Хәзрәт әйткәнчә, ике атнадан Шәяхмәтнең хатыны аерылып китте.
253
0