Җәвит Шакиров "Минем күңел"

Бер сүз җитә туңсам эретергә, Бер сүз җитә җанны өшетергә! Бер сүз җитә мине терелтергә, Бер сүз җитә мине җебетергә! Бер сүз җитә мине елатырга, Бер сүз җитә авыр сулатырга! Бер сүз җитә җанны кыйратырга, Бер сүз җитә күңел юатырга! Бер сүз җитә мине котыртырга, Бер сүз җитә мине туктатырга! Бер сүз җитә уктай укталырга, Бер сүз җитә аннан уфтанырга! Бер сүз җитә йөрәк яраларга, Бер сүз җитә аннан араларга! Бер сүз җитә кайчак алданырга, Бер сүз җитә шулчак ялварырга! Бер сүз җитә таулар күчерергә, Бер сүз җитә миңа исерергә! Бер сүз җитә тулып чәчелергә, Бер сүз җитә кайчак кичерергә! Бер сүз җитә күктә йөзәр өчен, Бер сүз җитә җиргә төшәр өчен! Бер сүз җитә янып пешәр өчен, Бер сүз җитә өзелеп төшәр өчен! Бер сүз җитә миңа, шуның өчен Эндәшмичә тору кирәкме? Әйталмасаң, кулың белән ясап Күрсәт инде миңа йөрәкне!

Тэглар: