Радик Фәизов "Ата каз"
Мәктәп авылның югары очында. Аның бик озын, бер генә тәрәзәле коридоры караңгы, кысан, анда юеш чабата, ыш- тыр исе аңкый, тәнәфесләр вакытында күз ачкысыз тузан күтәрелә. Классларга керсәң дә шул ук чабата исе, черек бәрәңге күмәче исе. Озын тәнәфестә һәркем сумкасыннан өйдән алып килгән әнә шул бәрәңге күмәчен чыгара… Менә безнең, ул чактагы үсмерләрнең тәрҗемәи хәле: өстә берничә җиренә зур ямау салынган иске бишмәт, аякта чабата, ул да еш кына "мыеклы", ягъни тузып сүтелә башлаган, авызда бәрәңге күмәче. Монда инде бернинди күңел ачуларга, шатлык-мутлыкларга, уйнау-көлүләргә урын калмагандыр кебек.
Сылтамалар:
328
0