Әдәби марафон 2025

✨17нче көн Нигез йортым Киткән чакта еракларга, Борылып карамадым. Туган нигез төшләремә Керер дип уйламадым. Үткән саен гомеркәйләр, Сагынлыра икән ул. Китәр юллар күп тарафта, Берәү генә кайтыр юл. Искә алам туган якны, Бишек җырларын көйләп. Язмышлардан узмышлар юк, Язганы шулдыр, димәк. Әткәң-әнкәң нигез йортын Еракка ташлап китмә. Чит җирләрдә рәхәт, әмма Җан тарта туган җиргә. Эльвира Әхмәтова "Үзең булып кал!" #әдәбимарафон #әдәбимарафон2025 #татнетныүстерүфонды #татарстанязучыларберлеге #Татарстанкитапнәшрияты