Өмет. Рәмис Аймәт

16 нчы көн. #әдәбимарафон #әдәбимарафон2024 Өмет Үз көен эзләп, Кыллары зеңләп, Аһ, тартылса да, Яңа көй сорап, Эченә чыңрап, Моң-зар тулса да, Дәшми ул, дәшми, Берни эндәшми, Моңлы сазгынам. Чү, сабыр, йөрәк, Түзәргә кирәк Тагын аз гына. Сазым уяныр, Дөнья куаныр, Моңын ишетеп. Кемнең бар җаны, Алырлар аны Кабат иш итеп. Танырлар аны, Күкләргә даны Ашар яңадан. Җаннарга тулыр, Туган күк булыр Кабат анадан. #ТатарстанЯзучыларБерлеге #РәмисАймәт #Мәңгелексагыш #Дөньякүләмәдәбимарафон #ТатнетныҮстерүФонды #БелемРадиосы #ТатарстанКитапНәшрияты #Миллионтатар #ЛениногорскМарафончылары