Таныш сукмак. Айшанур

Авылымның урамнары буйлап Кайтып киләм туган нигезгә. Уйлар алып китә еракларга, Очам балачагым күгендә. Әле менә хәзер генә кебек Шушы сукмаклардан чапканым. Бер-бер артлы күз алдыннан Үтә минем сабый чакларым. Ялан тәпи чабып йөри идек, Бәбкә үләненең өстеннән. Туфлиләрем салып чабар идем, Балачакның шушы эзеннән Шунда үткән безнең матур, Беркайгысыз балачак. Шушы урамнарда калган Безнең яшьлек, гүзәл чак. Күпме серләрне яшергән Шушы таныш сукмаклар. Кайткан саен искә төшә, Безнең бәхетле чаклар.

Тэглар:

Сылтамалар: