Кем каргады?

Бер морҗадан ургылып чыккан төтен, борыла боргала, икенчесе, өченчесенә барып кушылды, аннан, бөтенесе бергә, авыраеп, башка өй түбәләренә сыландылар. Әле авыл уянып та өлгермәде, шушы төтен кебек, бер-берсенә өстәлә-өстәлә, өйдән-өйгә яңа хәбәр таралды: "Безнең Мөхәммәтъярның улы, Хатыпҗан, Магниттан мари кызы алып кайткан икән". Авыл халкы яңалыкны төрлечә кабул итте: бөтенләй охшатмаучылар да, битараф кына кул селтәүчеләре дә булды. Кар йомарламы сыман әвәли торгач, сүз куерды, зурайды, һәм, шул арада эреп тә бетте. - Йә соң, китергән икән, берегеп, торып ятсыннар, аларга яшисе..._ Авыл ризалашты, җыен әйбәт-гайбәтләргә нокта куелды.

Тэглар: