6 нчы көн Рифә Рахман "Татар кызы"
Зәмниха белән Әхмәтгалимнең, тормышларын башлап кына җибәрсәләр дә, каралты-кура турында кайгыртасы юк. Бар нәрсә киленнәр төшешкә яңадан, шәп юан наратлардан салдырылган, йортның тирә-ягын инде мул нигъмәт китерүче җиләк-җимеш бакчасы бизи. Су буендагы әлеге дә баягы кара мунча морҗасыннан көн буена төтен төти, абзарда тук маллар мөгри, капка төбендә ялтырап торган кара тарантаска жигелгән кап кара туры айгырлар биешә. Гарәп атлары, ди мал җене кагылган Әхмәтгалим, аның белән кая да булса барган да, эчке бер горурлык тойганын сиздереп.
Сылтамалар:
88
0