М.Юныс. " Занзибар зәңгәр болытлар артында"

8 нче көн. # дөньякүләмәдәбимарафон #әдәбимарафон2024 - Каян таптың син андый тузга язмаган илне? - диде, Рафаэль аптырап. - Минем гомеремдә Занзибар дигән ил турында ишеткәнем юк. Син аны уйлап чыгармагансыңдыр бит? Апуш, синең Занзибар турында ишеткәнең бармы? - Ишеткәнем бар төсле. Ул Африкадагы елга түгелме соң? Менә исемә төште: Занзибар түгел ул, Занзеби. - Занзеби түгел, Замбези. Занзибар дигән илнең беркайчан да булганы юк. Аны Габдрахман үзе уйлап чыгарган, - диде Рафаэль, катгый итеп. Апуш Рафаэльнең фикерен раслап куйды: - Андый ил чыннан да булса, Рафаэль белер иде. Ул бит географиядән гел " бишле"гә укып килде. Син, Габдрахман, ялгыша торгансыңдыр. - Занзибар иле зәңгәр болытлар артында, офыкның теге ягында. Ышанмасагыз, кайткач мин сезгә картадан табып күрсәтермен. Үскәч, шул илгә барып, андагы могҗизаларны үз күзләрем белән күреп кайтачакмын! - дидем, Рафаэльнең дәлилен җиңәрлек итеп . Ышандырырлык итеп әйттем булса кирәк, малайлар эндәшмәделәр.

Тэглар: