2 нче көн "Соңарган хатым"
2 нче көн. #Әдәбимарафон Вазыйх Фатыйхов "Бисмиллалы Әнкәй телеме" Ипи валчыгының бөртеген дә Калдырмыйча, әни өстәл җыя. Кабып куя валчык, нидер әйтеп, «Шөкер» сүзен ирененнән тоям. Ипи кискән саен бисмиллада, Әнием телем бүлә өстәлгә. Онытмый һич, һәр утырган саен, «Шөкер, Тәңрем» сүзен өстәргә. Искә төшерергә онытмый ул Оныкларга ипи кадерен. Күз яшьләрен яшерә алмый кайчак, Сызлатадыр яра бәгырен. Ачлык күргән әни. Аның җанын Әрсез кычытканнар коткарган. Исән-имин калу бу золымнан Үзе бер батырлык саналган. Ипи валчыгының һәр бөртеген Әни җыеп ала кулына. Калдыра күк изге бу гамәлен Васыять итеп газиз улына. 19 нчы бит #ВазыйхФатыйхов #әдәбимарафон2024 #ТатарстанЯзучыларБерлеге #ТатнетныҮстерүФонды #БелемРадиосы #ИделПресснәшрияты #Таттелеком #44
156
0