Аерылмагыз китаптан. Раил Гатауллин

2 нче көн #әдәбимарафон #әдәбимарафон2024 Аерылмагыз китаптан "Китап инде иске нәрсә... Кем укый аны?!- диләр. Китапханә кайдалыгын Күпләр хәзер белмиләр. Бертуктаусыз Интернеттан Мәгълүматлар алабыз. Телевизор карап, тыңлап, Көн саен алданабыз. Туйдыра яңалыклар да: Анда - бәла, монда - зар. Кеше тәмле, татлы, назлы Җыр-моңнарга интизар. Яңа җырлар тыңласаң да, Эчтәлеге мәгънәсез. Шигыре дә эчтәлексез, Моң да юк кайчак, ямьсез. Кайда соң җанга ятышлы Әсәрләр, поэмалар?! Романнар һәм хикәяләр, Нәсерләр?! Кайда алар? Югалмаган, алар һаман Үз укучысын көтә. Китап битләре таушала Яткан килеш "читлек"тә. Ятмасын алар киштәдә! Алыгыз кулыгызга. Китап һәрчак юлдаш булсын Йөрегән юлыгызда! Югалтмагыз халкыбызның Мәгънәле бай мирасын! Аерылмагыз китаплардан, Китап якты юл ярсын! #ТатарстанЯзучыларБерлеге #РаилГатауллин #Иңзурсер #Аерылмагызкитаптан #Дөньякүләмәдәбимарафон #ТатнетныҮстерүФонды #БелемРадиосы #ТатарстанКитапНәшрияты #Миллионтатар #Лениногорскмарафончылары