Селфи чирле дусларга. Раил Гатауллин

1 нче көн #әдәбимарафон #әдәбимарафон2024 Селфи чирле дусларга Селфи төшкән фотолар күп Интернет "чүплеге"ндә. Аптырарлык үзен сөйгән Кешеләр күплегенә. Бер фотода - артист белән, Икенчесендә- тауда. Монда - бер каратист белән, Монысын төшкән ауда. Монда ул авыз чалшайткан, Монда туйганчы көлгән, Монда дөя белән төшкән, Зоопаркта йөргән. Секунд саен яңа фото - Папарацци ял итә. Һәркем бүген үзе йолдыз, Карасаң исең китә. Йолдызланган танышларны Озак карагач, арып, Интернеттан чыгып китәм, Ноутбук капкачын ябып. Башым чүптән арынсын дип Башкарам физик эшләр. ...Селфи чирле дуслар гына Мин лайк куймасам нишләр?! #ТатарстанЯзучыларБерлеге #РаилГатауллин #Иңзурсер #Селфичирледусларга #Дөньякүләмәдәбимарафон #ТатнетныҮстерүФонды #БелемРадиосы #ТатарстанКитапНәшрияты #Миллионтатар #ЛениногорскМарафончылары