Зөләйха күзләрен ача
Куркынычы - каршы яктагы ишек артында. Убырлы карчык. Зөләйха аны эчтән генә шулай дип атый. Бөек Ходайга рәхмәт: каенана алар белән бер өйдә яшәми. Мортазаның өе бик иркен, уртак өйалды белән тоташтырылган ике өйдән тора. Кырык биш яшьлек Мортаза өенә унбиш яшьлек Зөләйханы алып кайткан көндә Убырлы карчык йөзенә чыккан газаплы көенече белән үзенең исәпсез-хисапсыз сандыкларын, бәйләмнәрен, савыт-сабаларын кунак өенә ташыды һәм аны тулаем биләп үзенеке генә итте. Улы ярдәм итәргә дип янына килгәч, " Кагылма" дип зәһәрләнеп һәм куркыныч авазлар чыгарып кычкырды. Шуннан соң улы белән ике ай сөйлшмәде. Шул ук елны бик тиз һәм бернинди өмет калдырмыйча сукырая , ә бераз вакыттан соң чукраклана башлады. Ике елдан бөтенләй сукырга һәм чукракка әйләнде. Аның каравы,хәзер бытылдавыннан туктатып булмый - пытымырга әйләнде. 7 нче бит
213
0