Әсгать Салах. "Каеннар юлы"

Ике ахирәтнең тормышында охшашлык ярылып ята: Миңнур да, Минҗамал да сөймәгән, яратмаган кешесенә тормышка чыктылар. Кая инде монда сайлану? Тик кияүләр арасында җир белән күк арасы: Мифтах һәрьяклап сау-сәламәт, чатнап торган көчле, чибәр егет иде Ә Минҗамал өлешенә чыккан «көмеш» көчкә сулыш ала, үпкә- сегыж-гыж килә, йөзе сары, кыскасы, өрәк инде. Һәм шул ук вакытта алар икесе дә ярату хисе белән яшәргә сәләтле булуларын дәлилләгән кешеләр. Янып торган, тап-таза Мифтах белән Миңнур аерылышканчы да берничә атна бергә яшәделәр, аннары Мифтах яраланып авылга кайткач та шактый вакыт бергә булдылар, Казанда очрашкач та назланышып төн үткәрделәр, ә Миңнур балага узмый калды. Чирләшкә җаны: «Менә чыгам, менә чыгам», - дип көчкә яшәгән Потый Шәфикь белән Минҗамал тормыш башларга өлгермәделәр, бусы: «Балага уздым бит», - дип шәрран ярды. Озак та узмады, тупырдап торган малай тапты. Менә бит нинди хикмәтләр бар будөньяда! Юк, Миңнур ахирәтеннән һич тә көнләшми, киресенчә, аларның тормышына соклана. Әллә соң бу да бәхет эшеме? Минҗа- мал өчен Потый Шәфикъ чын мәгънәсендә бәхет күгәрчене булып чыкты ла… Иа Хода, бәхетле генә яши күрсеннәр. Барлык авыл кызлары кебек Минҗамалга да, ай-һай, күп газаплар кичерергә туры килде. Калган гомерләре газапсыз, тыныч, рәхәттә үтсен иде инде… #әдәбимарафон2024 #ТатарстанЯзучыларБерлеге #ТатнетныҮстерүФонды #БелемРадиосы #ТатарстанКитапНәшрияты #Таттелеком #44

Тэглар: