Рафаэль Сибат "Кайту"

5 нче көн #ӘдәбиМарафон #ӘдәбиМарафон2024 "Аны эт урынына кыйнап ташладылар... ... Азак диңгезендә балык сөзәләр иде. Бу якларга егетне Хөснимәрдән алып килде: - Әйдә минем белән! Дөнҗа күреп кайтырсың. Балык күп булып, мач килсә, шактый гына мая туплап кайтырбыз. Фарт булса, дим. Сиңа өйләнергә дә вакыттыр инде. Бу әзмәвер гәүдәң белән... Егет аңламады: бу әзмәвер гәүдә белән диңгез балыгы сөзәргәме, әллә өйләнергәме? Ә Хөснимәрдән, төгәлен кыеп төшереп, кайсы икәнен әйтмәде. Ул шундый инде: вакыт-вакыт кирәгеннән артыгын "чәйнәсә" дә, фикере очлы сөяк буламы, тамагына кадала. Тамагына кадала да шунда төпләнеп кала. Өйләнергә имеш... Ә егетнең күзе төшкән кызы да юк ич әле. Ул хатын- кызның ирләр тормышында нинди урын тотканын, тән- бәдән рәхәтендә никадәр ләззәт кичергәнен, ни рәвешле җан җылысы, рух яктылыгы эстәгәнен дә белми. Гомумән, инде күптән бәлигъ булган, ир-егет буларак өлгергән зат булса да, егет хатын- кызга битараф иде әле. Ул бары әнисенә генә илаһи бер фәрештә итебрәк карый." #РафаэльСибат #КайтуИнабәт196нчыбит #Татарстанязучыларберлеге #ТатнетныҮстерүФонды #БелемРадиосы #ТатарстанКитапНәшрияты #Таттелеком

Тэглар: