Аяз Гыйләҗев , сайланма әсәрләр

Ир - хатын-кызның таянычы. «Иделгә таянма, иргә ышанма!» дигән сүзне кәнтәй хатыннар гына татар язмышына китереп таккан. Бибинурның мең авыздан бөтенләй киресен ишеткәне бар: «Утыз улың булганчы, усрак ирең булсачы!» Татарның ачы тәжрибә авазы сеңгән, тормыш кануннары беркетелгән китапларын баскыннар, милли дошманнары тузгытып, юк итә килгәннәр. Тарих аста калган, гыйльми, фәлсәфи китаплары сакланмаган диярлек, бар булган тормыш тәжрибәсе, яшәүнең асыл кагыйдәләре, мәхәббәт гаилә законнары, күңел эчтәлеге, иман, ачы нужа сабаклары әнә шул кып-кыска мәкальләрдә, гыйбарәләрдә сакланып калган. Йөз еллыгы да шунда, мең еллыгы да... «Утыз улың булганчы, усрак ирең булсачы!» - дип кистереп куйган акыллы татар! Әле ирнен усрагына да утыз улны биргәннәр, уңган ирнең бәһасe булмаган! Аның Габдуллажаны кебек, Ханифәнең Идрисе кебек батырларның бәясе ни хак?!.....

Тэглар:

Сылтамалар: