Кызыл гөл
- Сез чыгыш ясыйсызмы? Фәридә тыйнак кына көлемсерәде: - Юк, минем тавыш бик зәгыйфь бит. Синең әниеңнән күпкә калыша идем. Ә кулымны, әлбәттә, Заһидәне яклап күтәрдем. Райком вәкиле ни тырышса да, Тәүфикъны комсомолдан чыгарттыра алмады. Кисәтү бирү белән чикләнделәр. Шулай итеп, алып калдык без Тәүфикъны. Фәридә альбомның арткы битләрен ачкалады. - Бу фотолар - соңгы курсларда төшкәне. Менә Тәүфикъ, иң өске рәттә, онукытучылар белән янәшә. Кызыл диплом алган иде чөнки. Мортаза Фәридәнең ак, сөякчел бармагы төртергән түгәрәк фоторәсемгә текәлеп карады. Киңчә йөз, тыңлаусыз чәч, үзсүзлелекне, нык ихтыярны, хәтта катылыкны белдергән киң ияк һәм күзләренең җитди, кырыс карашы... Чын ир-егет... Карасана, андыйлар да кызларның яклавына мохтаҗ була икән!..
93
0