
ГОМЕР АТЫМ
Гомер атым һич тыңламый, Чыгымчылый кайчакта: Алып китә ерактагы Колындай балачакка. Юырттырып алып кайта Яшьлегем юлларына. Бүтән бер дә кабатланмас Бәхетле елларыма. Гомер дилбегәсе - синдә, Балаларым - кочакта. Келтердәп кенә җиләбез Гомер буйлап пар атта. Истә, бәемнән ычкынып, Ярсып, дулаган чаклар... Тәртәләрем җимерелгән... Өзелгән ыңгырчаклар... ... Хәзер инде гомер атым Атлап бара җай гына. Күңелдә һаман уйнаклый Яшьлектәге тай гына. #РәсимәИльясова #ЯшьлекКапкасы #ГомерАтым #УфаКнигаПринт 8 нче бит #ӘдәбиМарафон2024 #ТатнетныҮстерүФонды #ТатарстанЯзучыларБерлеге #БелемРадиосы #Таттелеком
498
0