Шагыйрьләр. Таһир Шәмсуаров

#Әдәбимарафон #Әдәбимарафон2024 Язмышка үпкәләмибез, Язганы шулдыр инде. Шашкын хисләр кайчакларда Җанга сыймыйдыр инде. Безнең сәер икәнлекне Әйтмәсәк тә аңлыйсыз. Кемдер кычкырып көлгәндә, Рәхәтләнеп елыйбыз. Ә кемнәрдер яшь түккәндә, Җыр белән юатабыз. Хис чыгында коенырга Балачакка кайтабыз. Без дә җир кешесе сыман Йөгерәбез, чабабыз. Кирәк икән кар астыннан Умырзая табабыз. Сәгать суга, теләмичә Китәбез, югалабыз. Юк, китмибез. Хәтерләрдә Мәңгелеккә калабыз! Ә хәзергә бер гозер бар - Хәлебезгә керегез. Илһам килде, зинһар өчен, Кәгазь, каләм бирегез... #ТатарстанЯзучыларБерлеге #ТатнетныҮстерүФонды #БелемРадиосы #Мәгарифнәшрияты #ТаһирШәмсуаров #Моңкоесы #Шигырьләр #117нчебит