Фирүзә Җамалетдинова. " Кошлар оя корган җирдә..."
6 нчы көн Пыскып торган яңгырлар печән җирләренә бик килеште быел", - дип уйлап кына бетерде Бәхтияр, тау битендә чалгысын кайрап утырганда. Бу җирләргә чапкыч техника белән кереп булмаганга, әрәм калмасын дип, ул чалгысын эшкә җикте менә. Мондый да шау җиләкле печәнлекне тагын кайдан тапмак кирәк? Ул белә: җиләкле- чәчәкле , хуш исле печән малның сөтен куерта, татлы тәм кертә. Каймакка әверелдерә тәмам. Яңгыры гына түгел, вакытында түгелеп төшкән кояш нурлары печәннең җелегенә үтә. Кыштырдап тора, коп-коры була. Монысын да киптерер дә, өскәрәк меңгереп, пресслау машинасына тапшырыр. Аннары үз биләмәсенә алып кайтыр.
99
0