Әниләрнең әнисе. Таһир Шәмсуаров

#Әдәбимарафон #Әдәбимарафон2024 Әби әйтә, картлык безне Гел күзәтеп йөргән ди. Бикләми калган ишектән Сиздермичә кергән ди. Төн уртасы, төшләр күреп Бар да йокыга талган. Шул карт аю аркасында Әби әбидәй калган. Кыз чаклары калган аның Аулак өйле җырларда. Төннәр буе ай нурында Урак урган кырларда. Җил-яңгыр тидерми саклап Үстергән әниемне. Яратмаска мөмкинме соң Шушындый әбиемне?! Аяклары арыгандыр Хәлләренә керегез. Әниләрнең әнисенә Торып урын бирегез. Башта сыйласа кызым дип Елмаеп балкып йөрим. Миңа әби белән рәхәт Аны беркемгә бирмим! Аның кара толымнары Кайларда калды микән?! Яз гына җитсен, әбинең Яшлеген эзләп китәм! #ТатарстанЯзучыларБерлеге #ТатнетныҮстерүФонды #БелемРадиосы #ТаһирШәмсуаров #Яратудантораҗиршары #Шигырьләр #14нчебит