3нче көн #ӘдәбиМарафон2024 #ФәнисЯрулин #ҖилкәннәрҖилдәСынала

Телеграмма Фәниярның бик авыр хәлдә ятуын хәбәр итә иде.Шомлы хәбәр язылган кәгазь кисәген кулына алгач,Фәүрия кинәт җиргә чүкте.Кечкенә буе тагын да тәбәнәкләнеп китте.Куллары калтыранды,күзләре юешләнде. Телеграмманы алъяпкыч кесәсенә салырга теләде, ләкин кәгазь җанлы нәрсә шикелле карышты,кесә төбенә кереп ятарга һич кенә дә теләмәде.Кыз үз янына килеп баскан ананы да сизмәде.