Рәсимә Гарифуллина Туган якның һәр фасылы асыл
Әдәбимарафон 16 нчы көн Мин язларда ләйсән яңгырларын, Таң кояшы нурын яратам. Иртәләрдә былбыл сайраганда, Борчу-сагышларым таратам. Мин җәйләрнең урманнарын сөям, Тыңлап туймыйм кошлар җырлавын. Зур суларга яшәү көче биргән Чулман чишмәләре чыңлавын. Бөрлегәннәр җыям берәм-берәм, Тир тамызып чалгы янаткач. Туган якның һәр фасылы асыл, Кышын, җәен тигез яраткач. Яшел үзән, киртләч Кирәмәт тау Изге итеп саклый эзләрем. Кояш төсле, сары ялкын төсле Туган якның алтын көзләре. Туган җирем, урман-сулар, халкым, Сезнең өчен яшим җан атып. Ак кышларым төсле ак күңелле Якташларым, сезне яратып. Балык Бистәм, сине яратып. #Дөньяйөге #РәсимәГарифуллина
113
0